زوبعة شوماخر

عوااار قلب

2009-03-07T00:39:00.000-08:00

انا خبري بعصير (عوار قلب) لما امدحوليا ووصلو السما وعقبها ذقته ما حسيت بقيمة اسمه لانه حسيته اقل من انه يسمونه (عوار قلب)

لكن هالمرة انا راح اعرفكم على (عوار قلب) من نوع ثاني..

تدرون شنو عاد..

سيــــارة (عوار قلب)

الا وهي الكورفت الي ماني عارفة ليلحين شنو نوعة

اهوا شي ما نزل ليلحين ولا عمري شفته بالصج ولا بالتلفزيون ولا حتى صدفته بقوقل

بس وصلني ايميل بمجموعة صور حقه..يعني صج صج صج (تعور القللللللب)

هذا عوااار قلب ولا بلاااش..خلو العصير عنكم زيييين وتعالو "ذوقو" شكل هالكورفت بحاسة النظر الي عندكم بدال التذوق وحسو بالطعم العجييييب لما تزغلل عيونكم عليييه p:

هااااااااااااااا

اشرااااايكم فيييييييه بس..؟؟؟

بذمتكم مو كفو ينقال عنه (عواااار قلب) ؟؟؟

وتحياتي..

عيد الام مع i can

2009-03-06T00:26:00.000-08:00

مممم هالمرة راح اكتب لكم اغنية انا مألفتها
وانشالله بيغنيها شخص من ذوي الاحتياجات الخاصة في عيد الام
وانشالله تعجبكم
في كلمات ممكن يشيلونها ويبدلونها على اساس تمشي مع اللحن وجذي بس هاذي النسخة الاصلية :)

حبيبتي والله يا ساكنه بالروح

امي يا اغلى الناس يا شافية الجروح

حبيت اقدملج في يومج هدية

منو يظن حبج بقلبي شوية

صحيح اني عاجز وشوي لج عليه

بس يستحيل اني أكون الضحية

اقدر اعبرلج عن حبي واشواقي

واقدر ابينلج كل الي بأعماقي

خليني اكتبلج واسطرلج اوراقي

وارسم خريطة قلبي ومكانج الساقي

اقدر شعاري الي عطاني الدافع

اني ابين للناس انا بعد نافع

ما همني اني ناقص لا ما راح اتراجع

همي ايماني بالله وبقربج اتواضع

آريا الي ترعانا وتلبي ندانا

عسا الله يثبتها بمسلكها ويانا

ما قصرت والله جزاها خلانا

نمحي كلمة محتاج ونعدل مستوانا

طبعا بس علشان شغلة مو عارفينها ابينها..كلمة (اقدر) اهيا الشعار الي اهو i can

و (آريا) اهيا القروب الي مصمم هالشعار حق ذوي الاحتياجات الخاصة

وتحياتي..

حديقة النزهة في هلا فبراير

2009-02-25T22:20:00.000-08:00

قووووووووة :)

اشلونكم شالاخبار..وشمسوين واشلون هلا فبراير وياكم؟؟عسا مستانسين :)

كل عام وأهل الكويت كلهم بخيييير

طبعا كل شخص أمس قزرها مكان وأمس بمعنا يوم 25 فبراير..

الي راح البحر والي راح صبحان والي الشاليهات والي الخيران وغيره وغيره..

تبون تعرفون انا وين كنت؟؟ كنت بالقرية التراثية الي بحديقة النزهة..

طبعا كان في مهرجان i can للمعاقين ورحت تطوع..

من صباح اللله خير كنا مناك نزهب المكان وجذي..والشمس ماكو اصقع منها(اصقع يعني طقة برود الثلج بس هاذي على عكس p:)

فأشكالنا فلم هندي صارت من الحر والقته لييييييين تعدل الجو على العصاري حزت الساعة 4 ومن المتطوعين بعد كان ويانا شباب الخير وغيرهم طبعا بالأول كان هدوء الجو على ما يو الناس وجذي ودخلو المعاقين (ذوي القدرات الخااصة) وسوولنا جو حلو :)

وعلى الساعة 6 دشت الشيخة فريحة الصباح لانه المهرجان كان برعايتها..

والتهلل ومادري شنو على ما وصلت صوب المسرح.. وبلشو بعض (ذوي القدرات الخاصة) بتقديم ما عندهم من أشياءات مزهبينها لنا وللشيخة.. وكان معاهم اذاعة مارينا اف ام..

بلش الحفل بأغنية من (علي الخليفة ) عن الكويت نسيت شنو اهيا p: ومشالله بدع بددددع وعقبه بلش الشاعر (عبد الرحمن) بإلقاء الشعر عن الشيخ جابر الأحمد وخله عيونه تدمع..الله يرحم شيخنا

وهم قدم شاعر اخر الي هم نسيت اسمه بس الله يعطيه العافية قدم هم قصيدةعن الكويت وعقب هذا وذاك ..

وشوي شوي بلشت زوبعة من الفصلات تهب علينا يمين ويسار مع الاغاني والوطنية وغيرها..

وفصلات على أصوووول معتبره بعد p: وزدها علينا بو الشباب(الريدبول)وخلانا نفصل على سنقه 10 على قوله المصاروة :)

وياهييييي من فصلااااااااات وياهو من تصفق سمراااات وغيرا وغيراا والله يزيد ويبارك كل اغنية عن اغنية فصلة زيادة وكل فرقة عن فرقة على أكثر وأكثر..

بس والله كان جووو ووناسة وضحك وانا وحدة استمتعت بوجودي معاهم.. والله يعطيهم العافية قروب (آريا )الي نظم هالمهرجان ..بصرااحة تعبو وكفو ووفو.. ودمتم سالمين :)

تحياتي..

شرح المكينة

2009-01-22T23:45:00.000-08:00

راح اشرح المكينة على حسب الي انا فاهمته..

خنقول احنا عندنا مكينه كامله الحين كل شي فيها محطوط جدامنا
تنقسم هالمكينه حق نصين اللي فوق واللي تحت.. للي فوق يتكون من الروس والثلاجه ..

واللي تحت السلندر

الروس داخلهم سبرنجات وصبابات وروكرات .. عموما بين النص اللي تحت والنص اللي فوق موجوده الصياخ .. الصياخ تدز الروكر بحيث إن الروكر يضغط على السبرنج والسبرنج يفتح الصباب ويدش الخليط وبعدين يتسكر ويحترق الخليط فيكوٌن ضغط ..فيتحرك البستن ويفتح الصباب الثاني تبع الاقزوز وتطلع غازات الاحتراق .. ابسط شي اقدر اقوله

المهم خلصنا من النص اللي فوق

النص اللي تحت يتكون من السلندر..السلندر داخله كرنك مركب عليه ذراع ..ومركب على الذراع بساتن .. والكرنك هم موصل عليه الكام المهم إن الكام مركب عليه تكايات ( لفترات ) المهم هالتكايات شنو محطوط فوقها ؟؟ الصياخ اللي تكلمنا عليهم مساع

وطبعا شنو اللي يحرك التكايات ؟؟ الكام اهو اللي يحرك التكايات.. نسيت اقول شغله بعد .. الكرنك مركب عليه شغله ثانيه واهي طرمبة الزيت ( OIL PUMP ) واللي تشتغل عن طريق الحركه الميكانيكه للكرنك .. يعني مايحتاج كهربا ..
ووو وبس بعد مادري اذا في شي انا ناسيته او انا غلطانه في بعد مادري :) .. اي في شغله نسيتها طبعا بين النص اللي فوق والنص اللي تحت فيه قازقيتات واهيا موانع تسرب .. مايبيلها شرح بعد..وهم بين الثلاجه والراس في قازقيتات وهم بين الراس والهدرز وهم بين السلندر والكارتير .. ( الكارتير اهوا البوكس او الصندوق اللي تحت واللي يشيل الدهن )

وبعد ؟؟ طبعا في بكرة كرنك واهيا البكرة اللي تحت اخر شي بالمكينه .. طبعا الكرنك لما يفتر كل شي ياخذ حركته منه عن طريق البكره .. وظيفة البكره إنها لما تفتر تشغل معاها طرمبة الماي والدينامو وباور السكان وكومبريسور المكيف عن طريق الغايش. و نقدر نركب على بكرة الكرنك السوبرشارجر والبلور ..
وبالنسبه للتلغيم كل شي ينلغم حتى بكرة الكرنك تتغير وتصير اصغر .. وهم بكرات السوبرشارجر والبلور ..

والسلندر ينلغم بحيث يتركب عليه ستروكر
والستروكر عبارة عن تغيير يصير للكرنك والذراع والبستن ..
جني دشيت بسوالف ثانية بس يالله ما عليه افتتاحية بوست ثاني يمكن اسويه عن اللغام p:

وآسفة اذا لجيت راسكم بس لازم تتثقفون شوي
ولازم تطلع مني فايدة p:

تحياتي..

أسئلة يجيب عليها الامام علي (ع)

2009-01-21T05:17:00.000-08:00

اسئله غريبه لم تخطر في البال يجيب عليها امامنا وحبيبنا وفخرنا
علي بن ابي طالب صلوات ربي عليه
.................................................. ....
عندما كان الامام علي صلوات الله عليه في جامع الكوفه قام اليه رجل من اهل الشام فقال
ياامير المؤمنين اني اسالك عن اشياء
فقال الامام: سل تفقها ولا تسال تعنتا
'قال الشامي
1-اخبرني عن اول ماخلق الله تعالى؟
قال عليه السلام: خلق النور

2-قال: فمم خلقت السموات؟
قال عليه السلام: من بخار الماء

3-قال فمم خلقت الارض؟
قال عليه السلام: من زبد الماء

4-قال فمم خلقت الجبال؟
قال عليه السلام: من الامواج

5-قال فلم سميت مكه ام القرى؟
قال عليه السلام: لان الارض دحيت من تحتها

6- فساله عن السماء الدنيا مما هي؟
قال عليه السلام: من موج مكفوف

7-ساله عن طول الشمس والقمر وعرضهما؟قال عليه السلام: تسعمائة فرسخ في تسعمائة فرسخ

8-ساله كم طول الكوكب وعرضه؟
قال عليه السلام: اثناعشر فرسخا في مثلهما

9-وساله عن السماوات السبع واسمائها؟
فقال عليه السلام: اسم السماء الدنيا الرفيع وهي من ماء ودخان,واسم السماء الثانيه فيدوم وهي على لون النحاس,والسماء الثالثه اسمها الماروم وهي على لون الشبه,والسماء الرابعه اسمها ارفلون وهي على لون الفضه,والسماء الخامسه اسمها هيغون وهي على لون الذهب, والسماء السادسه عروس وهي ياقوته خضاء,والسماء السابعه اسمها عجماء وهي دره بيضاء.

10-وساله عن الثور ماباله من غاض طرفه لم يرفع راسه الى السماء؟
قال عليه السلام: حياء من الله لما عبد قوم موسى العجل نكس راسه

11-وساله عن من جمع بين الاختين؟قال عليه السلام: يعقوب بن اسحاق جمع بين حبار وراحيل ,فحرم بعد ذلك,فانزل
'وان تجمععوا بين الاختين'

12-وساله عن المد والجزر ماهما؟
فقال عليه السلام:ملك من ملائكة الله عز وجل موكل بالبحار يقال له:رومان,فاذا وضع قدميه
في البحر فاض,فاذا اخرجهما غاض.

13-وساله عن ابي الجن؟فقال عليه السلام:شومان, وهو الذي خلق من مارج من نار.

14-وساله هل بعث الله نبيا الى الجن؟
فقال عليه السلام: نعم, بعث اليهم نبيا يقال له يوسف, فدعاهم الى الله عز وجل فقتلوه

15-وساله عن اسم ابليس ماكان في السماء؟فقال عليه السلام: كان اسمه الحارث

16-وساله لم سمي آدم آدم؟
قال عليه السلام: لانه خلق من آديم الارض

17-وساله لما صار للذكر مثل حظ الانثيين؟
فقال عليه السلام: من قبل السنبله كانت عليها ثلاث حبات, فبادرت اليها حواء فأكلت منها
حبه وأطعمت آدم حبتين, فمن ذلك ورث للذكر مثل حظ الانثيين....
'صححو معلوماتكم يعني مو لان الذكر افضل من الانثى ...لا

.................................................. ..
ملاحظه'الامام عليه السلام اذا قام اليه رجل وساله يقول له ,اسال تفقها ولا تسال تعنتا
لان البعض من الناس كانو يسالون الامام بغرض تعجيزه عن الاجابه
الله اكبر كيف يعجز علي بن ابي طالب وهو الذي يقول
سلوني عن طرق السماء فاني اقرب اليها من طرق الارض

smile & hope

2008-11-08T10:47:00.000-08:00

some times...

when all the world stand "against" you...

when you think that your dreams "wont" happen...

when you cross your life way with people that are "not" honest with you...

when your "sadness" become the master of your life...

when your best friend "become" your enemy...

when all people around you think that what are you dowen is "wrong" .. Even you are write...

when you want to forget your problems and "go on" .. then some body comes and cut your wings and let you sink...

when your lover "dies" in front of you..............!!

Always. Draw a "smile" on your face...and "hope" for the best
.....

يه على بالي اكتب هالكلمات الحين ..منها فضفضة..ومنها نصيحة لكم..ومنها تذكير لي.. وانشالله تعجبكم :)

تحياتي..

العيد وسواليفه

2008-09-29T02:10:00.000-07:00

اول شي عيدكم مبارك مقدما وعساكم من العايدين ان شاء الله :)

كل ما يي العيد اتذكر اغنية وحدة على طوووووول

(باااريييكوو ياا حباااب...الفرح مادري شنوو وطاااب .. اليوووم يووم العيييد..مادري شنووو ونغني نشيييد ) (اهم شي اني ناسية الكلمات هاذي المفروض تنحفظ صم على انها كل عيد تنحط بقناة الكويت لووووووول ما احس بالعيد الا لما اسمعها مادري ليش لووووووول تراث ترااثp:

ومادري ليش اتذكر يوم البحار لوووول شخباري من امه السفينتين الي قبال بعض ويدزونه فيهم الهنادوه ويغني بإسمك وكله نتهاوش قول اسمي وقول اسمي عاد مادري منو لوووووووول

لاا وقبل العيادي كل واحد يعطونه ربع دينار قاصين علينا مادري نص واذا معطينك دينار يعني بيي لحد يكلمني لوووول بعدين شوي شوي قامو يحسون على دمهم ويزيدون p: والحين ما يصدقون بدا واحد من الي يعايدون يتوظف يقولونله بس انت راحت عليك لووووووووووول

وملاحظة شي بعد..من ما بلشت العيدية تزييد ومبلغها صار بالصاعد الناس قامت تنحاش بالعيد وتهج برا وتسافر لووووووووووووووول والله ما الومهم مساكين المعاش قام يطير على العيادي :)

وطبعا الشي الي ما انساه لما نيمع فلوس العيد وسيييدة العاب الوليد الي بشرق لووووووووووول..متعة العيد كلها مناك ..محد ربحان بالعيد الا هذولي والمطاعم اكتساح يصير عندهم هالفترة لووووول وطبعا اولهم بعد.. زين والوطنية..ماكو مسج ما يندز بالعيد باللسته كلها ورووووووووح p:

وأكره شي عندي بالعيد..

زحمة الشوارع الغثييثة ..وكل مالها كل سنه وتزيد شكلنا على سنه من السنين من مصافط بيتنا بتصير الزحمة ونطلع الفير علشان نوصل المطعم بالليل ونتعشى والغدا يكون عالماشي لوووووووووووول

مو جني حشيت بالعيد وايد :)

بس جذي كافي عليكم p:

واذا في بعد شغلات قديمة نسويها بالعيد ذكروني فيها بالكومينت :)

تحياتي..

من كلماتي 3

2008-09-16T08:53:00.000-07:00

كتبتها أيام كان عمري 19

ما حطيت لها عنوان ليلحين متعييزة افكر لووول

ودي أبعثلك من قلبي كلام
يعبر عن إلي داخلي من أحاسيس اتجاهك

ودي أخبرك عن الأحلام
الي حلمتها فيك بوجودك وغيابك

ودي أرسل لك حمامة سلام
تدليك على شوقي وفقداني لهمساتك

ودي أشرحلك عن الغرام
إلي ملكني وحبس أنفاسي بسبة حنانك

ودي يحكمون علي بالإعدام
إذا كنت الكفن الي يلمني في مماتي بحياتك

ودي توصلني من قلبك سهام
تغرز بقلبي أروع شعور من حضرة جنابك

ودي أكون بقلبك الرسام
إلي يرسم كلمة أحبك ويلونها بألوانك

ودي أشيل عنك الآلام
إلي كانت السبب في همومك وعذابك

متى ترجعلي وتخلي الود يصير أرقام
أعددها وأخليها حقيقة بحياتك

وسلامتكم.. :)

تحياتي..

من كلماتي 2

2008-09-16T05:04:00.000-07:00

هذا كتبته ايام كان عمري هم 16 :)

العنوان: ولاء

لماذا نهتم في أشياء ... تبعد دائما عن رؤانا

لماذا نعيش في زمان ... شبع منا ورمــــانا

لماذا ننام كل مساء ... كنومة المظلومة المهانه

لماذا نستهين بقطرة ماء ... قد بنت أرضنا وزينت سمانا

لماذا نعذب من أجل داء ... يحدد منه عمرنا ومدانا

لماذا تسقى الأرض بدماء ... كانت بالنسبة لنا أمانة

لماذا يستحال إيجاد دواء ... لبعض الضمائر المدانه

لماذا نرتاح في جنائن ... وغيرنا يموت فدانا

لماذا يبتلى المرء ببلاء ... سببه شهادة زور وبهتانا

هل كل هذا بسبب ولاء ... تكنه الشعوب لشيطانه؟!

أم انه بسبب نداء ... مصدره العيون الفتانة!!

وسلامتكم.. :)

عطوني رايكم؟ وبصراحة ..

تحياتي..

من كلماتي 1

2008-09-13T05:13:00.000-07:00

هالكلمات كتبتها لما كان عمري
16

العنوان: لحظة هروب

سئمت من الحياه .. ومع ذلك لدي أمل

أكثرت من الـبــكاء .. ومع ذلك عيوني لم تمل

أكثرت من الصراخ .. ومع ذلك صوتي لم يزل

وأكثر ما أكثرت منه هو الضحك .. ولكني مع ذلك أصبحت مصدرا للهزل

كل هذه المشاعر استخدمت .. للتعبير عن بؤس الحياه .. الذي لا يمكن أن يكون ولو للحظة سهل

وسلامتكم..

عطوني رايكم فيها :)

تحياتي..

تكملة سلسلة الهوايات

2008-09-11T03:47:00.000-07:00

في بوست كتبته ذكرت فيه هوايتين من الزليون هواية الي عندي..

الي اهما سوالف السيايير والعزف ..

اليوم بذكر هواية زيادة .. وانشالله اكمل الباجي في بوستات بعدين بالدور .. على قولتهم (تاااته خط العتبة..تاته وحدة وحدة ) لووووول عادي سهالات كل شي دش في بعضا p:

المهم ما علينا (يا كثر ما اطلع من الموضوع وانا اسولف p: )

ثالث هواية عندي الي اهيا شاملة ثلاث هوايات في بعض (كتابة الشعر والاغاني_التلحين_الغناء)

طبعا ليش دخلتهم بهواية وحدة لانه دام اكتب اغاني احب الحنهم وما ينفع الحن وصوتي يكون شي.. فتقدرون تقولون انه صوتي مقبول P:

طبعا هالهواية تطلع اي شي مكبوت وحلوة للشخص الي تلاقي دايما همومه خاشها وما يشوفون منه الناس الا الابتسامة الي شاقة حلجه 24 ساعة والتغشمرالي ما يخلص..وتلاقي من داخل العكس بالضبط.. ف في وايد هوايات اتعبر عن المشاعر المكنونة في الانسان هذا..وتطلعها بطريقة طاقة ممكن الواحد انه يستفيد منها..هم يكون خفف عن نفسه نوعا ما ويحس انه فضفض..

وساعات الواحد يكتب شغلات من كثر ما يشوف بهالدنيا..او من القصص الي تصير..فيطلعها على طريقة شعر وكلمات متناسقة..

في البوست الي بعد هذا انشالله راح اكتبلكم شي انا كاتبته وبعدها متى ما صار ماكو شي وحدة وحدة راح انزلهم مني :)

اما عن الغناء ف اهو هم يعبر عن مشاعر الشخص..الحالية..يعني مثلا بلحن شغلة وانا متضايقة راح يطلع اللحن حزين..,وهكذا(امووت بالثقافة اللغة العربي<<< ماكو شغل )

وطبعا احلى شي لما تتغنى اغنية واكون حاسة باحساسها..الغنا يطلع حدا شي بس اذا انا ما دشيت الموود على قولتهم لو شنو صوتي يكون حلو ماكو فايدة لانه ما راح يوصل المسج عدل للمستمع وتلاقي ما يندمج وياك اذا ما خليته يحس بالاغنية من صوتك..

وهاذي خلصناها وحدة عن ثلاثة :)

وانشالله الايام الياية اكمل هواياتي الي ما تخلص :) (عفية بنية فاضية لووول )

..تحياتي..

لكل شي جهتين..

2008-09-08T04:10:00.000-07:00

الملل..

شنو موقعه من الاعراب(داشين حصة عربي حشا)...

شنو اضرارة وشنو فوايده..

كل هذا بجاوب عليه بالمنطق (يمعود اي منطق انتي زين اذا فيج مخ) المهم راح اجاوب بالمنطق الي باقي فيني p:

..من اضراره..

انه الواحد يكره نفسه وده يسوي شي بس الظروف ما تسمحله وبالنسبة للي الظروف تسمحله تلاقي مال حتى من الشغلات الي برا يعني مو القصة قعدة البيت الي مافيها شي لا ساعات حتى الطلعة تكون مملة..

انه الادمي يلجأ للنوم اغلب الوقت علشان يقص الملل وهالشي غلط في اغلب الوقت بس حلاو كله مقزرينها نوم والعطلة بعد تشجع المشكلة..

ساعات من الملل ودك تسوي فلم بالناس ماكو شغل بعد..حرام شنو ذنبهم لوول..

..من فوايده..

ممكن تستغل فكرة انك مو قاعد تسوي شي بإنك تشوفلك هواية يديدة تمارسها وتقضي وقتك فيها..

كلش كلش مالك خلق تسوي شي بس اقل شي تحط في بالك انه الملل دايما وأبدا احسن بوايد من انه يكون عندك مشكلة ويا الاوادم وتقعد تحاتيها ولا حايشك عوار..لما هالشغلتين يحوشونك راح تعرف قيمة الملل اشكثر غالية هالوقت لوووول سألو مجرب :)

الناس نوعين..نوع يفكر باليأس ونوع يفكر بالامل..الي يفكر باليأس دايما يطالع الشغلة من ناحيه سلبيه الي اهيا ناحية الضرر الي فيها..

والنوع المتفائل دايما يطالع الشغلة من الناحية الايجابية..الي اهي النفع..علشان جذي تلاقيهم دايما مستانسين حتى لو صارتلهم مشاكل هدت حيلهم.

بسم الله الرحمن الرحيم

(وعسا ان تكرهو شيئا فهو خير لكم)

صدق الله العظيم

عطوني رايكم واذا عندكم زود قولو بعد :) رمضان كريم p:

تحياتي..

ما تهنيت بالفلم

2008-09-07T04:31:00.000-07:00

قووووووووووووة

ادري طولت الغيبة واايد مو شوية :)

وبالاول بقول مبارك عليكم باجي الشهر(حدج تو الناس) فترقيعا للسالفة راح اقولكم عيدكم مبارك مؤخرا p: ولا تزعلون (اشدعوة عليج تزعلون)

المهم انا كنت قايلة اني راح اقول سالفة السينما الي صارت وياي بس كنت متعييزة اقولها..بس اليوم صاير فيني نشاط عاد مادري ليش اني زالطة ماي لين قلت بس قبل الامساك ب دقايق بعد الله اعلم :)

السالفة يا محفوظين السلامة...في يوم ما (اشفيها)

لا لا جد يالله ببلش..مرة كنا داشين فلم ديفداس الهندي اتوقع اغلبكم يعرفه مو؟ اذا مو مو عادي المهم..كنت رايحة ويا خالتي وبناتها

وطبعا تعرفون سوالف الاهل لا تقعدون على الطرف يمكن يكون في صبي على الطرف ومن هالحجي الخزعبلي..فعلى الطرف الاول خالتي قعدت وانا دبسوني بالطرف الاخير وخالتي كانت ناطرة تشوف منو يمي اذا صبي ولا بنت..طبعا اهيا صدف انه يمها بنت..بس موقعها استراتيجي يعني لو شنو ما تغيره..ولما تعبه المكان الي يمي ولا واحد بس الي غط النظر عن خالتي انه وياه وحدة..الفلم طبعا مو مني..يايكم الحجي..

صاحبنا واهوا قاعد كل شوي معدل قعدته ومو عاجبه الكرسي واشكثر يتحلطم....طاف..

المشكلة بندمج ويا الفلم ماكو..وكل شوي قبل لا يصير شي يقول انه بيصير....حلووو الحبيب داش الفلم من قبل وداش الحين يقزرها ويا الي وياه..يعني اكملت..وانا بروحي بدون شي قبل لا اروح فلم اذا خربو علي وقالو نهايته ما اروحله حتى لو حلو لانه حده الحركة بايخة وودك اتنف الي قالك..بس قلت طاف ما قال النهاية شنو قاعد يقولها الشغلات العادية فسكت وماسكه نفسي..

المهم شوي ولا الحبيب يبطل تلفونه ويتعبث فيه وانا طفااارتي هالحركة..والمشكلة التلفون كان بعير(كبير يعني) يعني ليت الشاشة شقني شق..

وهم طااااف اللهم صبرج يا روح..

شوي ولا يطلعوون قلت فكككككه من امه خل اتابع مثل الاواديم..طبعا الي كان داش وياها كانت متحجبة...

ما تهنيت بهالجم دقيقة ولا يرد..لوووول والصدمة ولا الي يمه وحدة مو متحجبة @@ !!!!!

شالسالفة!!..المهم طاف وانا شكو بس ترا شغلة تحير..اهني الفلم يكمل..

صاحبنه مال فبيريح بقعدته ولا يعطيك ذيج القعدة الي راسة على جتف البنية..كيفة انا شكو بس المشكلة مو مني..الاخ داش الجو وشبه انسدح ريوله صارت صوب قعدتي!! اشفيه هذا..يبا سو الي تبي بس بحدود مكانك ماد ريلك عندي شكو..والله ما قلت شي مسكينة صرت مثل الربيانة متكورة ذاك الصوب علشان لا احوشة..بس لما يت اللحظة الحاسمة بعد ما قدرت امسك نفسي..

شنو الي صار؟؟ شنو اللحظة الي طلعتني من طوري؟؟

انا اقولكم.. بنهاية الفلم البطل يموت على عتبة باب حبيبته مثل ما انتو عارفين..جان بو الشباب شنو يسوي ؟؟

خنشوف الحوار الي صار..

الصبي:( قاعد واهوا متكي ) بعد شوي شاروخان بيقعد يشرب بالقطار و يموت على عتبة بابها واهيا ما يخلونها تطلع تشوفه!!!

زوبعة:(خزة قوية الي لاحظ) انت شنو بالضبط؟ (ادري كلام غبي بس الصراحة من كثر الاعصاب الي صارت فيني منه فمادري شنو اقول وطلعت هالجملة لوول )

الصبي:نعم!!

زوبعة:انت اهبل ولا تستهبل يعني وحدة فيهم

الصبي:اشفيج انتي!!(الحين انا الي صرت اشفيج اهم شي )

زوبعة:(بطتها)يعني قاعد مو محترم نفسك..ومو محترم الناس الي حولينك..ومتكي جنه بيت ابوك مو سينما ..كل هذا سكتنا عنه الحين تيي وتخرب علي الفلم..قوم اطلع برا لا اتوحد فيك(لا قوية قوية لووول خربتها ادري)

الصبي:اولله كل هذا خاشته من امساع..وشنو اطلع برا بيت ابوج اهو ماني طالع وجان من اول تكلمتي انا شكو..

زوبعة:صج والله...يعني مو بيت ابوي اقولك اطلع بس بيت ابوك الي تقعد جذي وتخرب علي الفلم وكل شوي مدخلي وحدة@@(امبي مادري اشلون طلعت بس كنت حدي واصلة واهوا يتكلم ابرووود)

الصبي:ويها قام يقط الوان جان يقولي بس سكتي سكتي لا انفضح خلاص بطلع بطلع(لووووووووووووووووووول )

ولي يومكم مادري شمسوي وشلون دخل وحدة بنص الاول والثانية بالثاني!! ومادري شنو قصده بس سكتي لا تفضحيني هل قصده عن ملوت السينما ولا عن البنت نفسها والله ما يندرا

وطبعا مو ذاك الزود انتبهو الناس لانه نوعا ما كنت موطية صوتي بس بنت خالتي الي انتبهت ليش يمي والباجي كانو مندمجين على موت شاروخان وطايحينله بجي وانا المسكينة ما تهنيت بالفلم بس والله طلعت حرتي عدل فيه لووول

بس بذمتكم اذا صار فيكم هالموقف شنو تسوون؟؟ولحد يعلق على الالوان لووول :)

وتحياتي ..

عفية ترقيعه بالمخبا :)

2008-08-22T12:14:00.000-07:00

قبل جم اسبوع..

كنت بالسيارة قاعدة اسولف بالتلفون ..

والشارع كان فيه دورية بس من امه سكب..

المهم ولا نزلت التلفون ظليت اسولف عادي ولا كأنه مسويه شي وعند يدي كان..

لين سمعت صوت المايك جيب اسود صفطي يمين(سيارة الوالدة) ..صفطت وطبعا عارفة شنو نوع المخالفة بس ما يشوف شر خشيت التلفون ونطرته لين يه..

واليكم الحوار الي صار:

الشرطي: الاجازة والدفتر (اوف تحوشني قشعريرة من هالجملة لوووول )

زوبعة: خير يا طير على شنو اعطيك بعد هالمرة لا دايسة ولا مبتونة..

الشرطي: بعد عندج سوابق!!

زوبعة: شنو عندج سوابق وين قاعدين احنا شمسوية انا بايقة بنك مثلا !!

الشرطي: لا بس قصدي..(قاطعته لاني وحدة ما اواطن شي اسمه شرطة)

زوبعة: الزبده الحين انا شنو سويت؟

الشرطي: (سكت شوي على هالحركة بعدين جان يقول) عشان كنتي تتكلمين بالتلفون واشكره بعد..

زوبعة: (سويت روحي غبية وجني مو فاهمة شي)انااااا @@ ( يمه منج p: )

الشرطي:اي شفتج بعيني محد قالي كنتي حاطة ايدج على اذونج..

زوبعة: يعني ما يصير احك اذوني مثلا!!

الشرطي:الناس يحكون اذونهم 5 ثواني عشر ثواني مو 10 دقايق..

زوبعة: انا ما صارلي طالعة برا البيت الا 7 دقايق ليش تألف..

الشرطي: (نزل راسه وسكت شوي ويتله الضحكة) تيسري يبه تيسري انا الغلطان حقج علي

زوبعة: يعطيك العافية بس ترا ادري انك شفت التلفون ومطوفني على مزاجك بس ما كان لي خلق اتخالف (جان اقب بسرعة ) لوووووول واطالع صوب المنظرة ولا الشرطي قاعد يضحك علي احسه قال عيارة جذي انا ما شفت لوووووووووول

عاد انتو رقعو حق نفسكم اذا انصدتو لووووول

تحياتي..

من سواليف بني آدم الي مالها معنى :)

2008-08-19T06:57:00.001-07:00

اليوم وانا سرحانه وصافنة (كالعادة)<< اشفيها بو كالعادة اخاف عاشقة وانا مادري p:

المهم

يت في بالي شغله...خل نقول انها غريبة شوي...(انزين خلصينا يعني مسوية تشويق مع الوي p:)

الي اهيا..احنا ترى نوعا ما اغبية..او ساعات نسوي سواليف مالها معنا..او بالاصح لما نسويها ونفكر ليش سويناها راح نتوصل حق نتيجة وحدة..الا واهيا انه احنا فينه وشة!!!

ادري الحين كل واحد بينه وبين نفسه يقول طاع هاذي ماكو احد موشوش غيرج بالسالفة p:

تدرون شنو هالشغلات؟؟

..
..

1.تكفون لما بتغير محطة بالتلفزيون مو لما تضغطون على دقمة بالرموت وما يشتغل ترعصون عليها حيل يعني يكون بيتغير شي ولا كلش كلش تطقون الرموت بالقاع (انزين ليش يعني مثلا بيتأدب عقب هالحركة وبيشتغل مثلا لوول )

2.لما بنصعد الاصنصير ونضغط على الزر ويطول على ما ينزل نرد نضغط عليه جم مرة وحيل يعني يالله انزل(يعني مثلا بينزل اسرع اذا لعنت خير الام الي يابته وانت تضغط عليه مثلا؟؟!! ونقول ليش الاصنصيرات تخترب وتوقف علينا خخخخخخ )

3.لووووووووووول هاذي صج فلم..ليش لما يلف احد علينا بالشارع نسفل فيه وفي ناس يطيحون فيه سب وملعن ويطالعونه ويأشرون يعني السب حقك..انزين يعني اهوا اشدراه شنو قاعد تقول انت!! كل الي شايفة ويهك واهوا معفس ومعصب وشفايفك تسولف بروحهم سايلنت لووووول..انا انصحكم علشان اعصابكم لا تروح هدر حطو سماعات لي برا السيارة علشان اي كلمة توصل وتكون مسموعة..(شنو ناوية تسوين جو هوشة فوق ما اهو مشحون الجو بدون صوت لووووووووول)

4.ليش لما تكون ناطر احد تقوم تمشي روحة ردة روحة ردة (يعني مثلا اذا قمت مشيت بييك اسرع)لوووول عادي اعصاب البني ادم بروحها فلم

ليلحين هذولي الي يو على بالي..واذا انتو عندكم زيادة ضيفو وقولولي :)

تحياتي..

تاق من ديكاتي

2008-08-12T06:07:00.000-07:00

اول مرة اسوي تاق
حدي ما كنت فاهمة شي بالاول بس مسيري استوعب بالنهاية..الله يخلي شوية المخ الي باقيلي ...تدرون بعد الينون ما يخلي احد بحاله لوووووووووول

المهم قصة التاق هذا انه اجاوب على اسئلة من خلال الأغاني الي مسيفة عندي
بس مو انا الي اجاوب بكيفي..الحلو انه الجواب او الاغنية الي راح تنحط حق الجواب راح يكون من كيف اللاب توب..لانه راح اشغل الريل بلاير على الshuffle فراح تمشي الاغاني بترتيب متخربط والنتيجة ينحطون كل اغنية ودورها على الاغاني.. فسترك يا رب :P
حطيت الشرح المطول حق الي يدش وما يدلي شنو سالفة التاق هذا

The Rules Are :
1. Put Your iTunes/ music player on Shuffle

2. For each question, press the next button to get your answer

3. YOU MUST WRITE THAT SONG NAME DOWN NO MATTER WHAT!!! After you've answered all of the questions, tag 5 other people and then let them know they've been tagged to do them themselves :)

-----------------------------------------------

1.IF SOMEONE SAYS "IS THIS OKAY" YOU SAY?
رويشد-دنيا الوله
(شكو حدا لووول )

2.WHAT WOULD BEST DESCRIBE YOUR PERSONALITY?
ميامي-عاشو
(لوووووووووووووووول من امه)

3.WHAT DO YOU LIKE IN A GUY/GIRL ?
جيتارا-وريني

4. HOW DO YOU FEEL TODAY?

عبدالمجيد-خلاص ابعد
(اهم شي )

.5.WHAT IS YOUR LIFE'S PURPOSE?

جيتارا-صعبة
(بدون تعليق)

6.WHAT DO YOUR FRIENDS THINK OF YOU?

حمود ناصر-حبيبي
(اضبطت هالمرة ;) )

7. WHAT DO YOU THINK OF YOUR PARENTS?

عبد المجيد-انسان اكثر
(قوية لوووووووول يمكن موجهة للوالد خخخ)

8.WHAT DO YOU THINK ABOUT VERY OFTEN?

ميامي-شيلوها شيلة
(لوووووول لا بدعت طلع هذا اكثر شي افكر فيه لووول فصلة طلعت)

9.WHAT DO YOU THINK OF YOUR BEST FRIEND?

نبيل-تسافر
(اي يالله مرقعة شوي كل الكويت مسافرين لوول)

10.WHAT DO YOU THINK OF THE PERSON YOU LIKE?

عادل محمود-اوعدني

11.WHAT IS YOUR LIFE STORY?

نبيل شعيل-جاني
(اهم شي انه قصة حياتي لوووووول ما صارت لي مته واهوا يي لوووول )

12.WHAT DO YOU THINK WHEN YOU SEE THE PERSON YOU LIKE?

سامو زين-اقربي ليه
(لا ما اعبر لووول)(منقص ويهي خخخخخ)

13.WHAT DO YOUR PARENTS THINK OF YOU?

حمود ناصر-زعلان
(لووول غلطانيييين العادة العكس وياه الوالدة لوووول)(الوالد بالاخص خو خارج منطقة التغطية ما منه فايدة خخخ)

14. WHAT WILL YOU DANCE TO AT YOUR WEDDING?

راشد الماجد-كل يوم
(ليييش انزين ليييش يلعن خيرج عرسج هذا مو جنازتج لووول)

15.WHAT WILL THEY PLAY AT YOUR FUNERAL?

نبيل شعيل-راجعلك
(شنو راجعلك شكووو ماتت الآدمية تفاولون على نفسكم لوووول)

16.WHAT IS YOUR HOBBY/INTEREST؟

ميامي-انا الغلطان
(ماكو شغل خلصو الهوايات امشي واتأسف حق الاوادم لووول)

17. WHAT IS YOUR BIGGEST SECRET?

جيتارا-بعد عمري انا
(وا خزياه فضحتونا لوووول..وبحتضر بعد يا سلام..اسمالله علي )

18.WHAT DO YOU THINK OF YOUR FRIENDS?

نبيل شعيل-وش مسوي
(شالعيشة تكفا لووووول) على هالاغاني الي تتركب مع الاسئلة حظي ثلاث ارباعة عوي لووول

19. WHAT SHOULD YOU POST THIS AS?

تامر حسني-يا بنت الايه
(لووووووووووول)

20. WHAT DO YOU THINK OF YOURSELF?

لووووووووووووووووول
ميامي-احلى من الحلوين
لوووووووووووول
لا هالمرة بدع الريل بلايير
يعني حده من ام ابوه (اشفييييييييهاااااااا) لووووول

الي موجه لهم التاق:
طعم السكر
3bady
5roofa
ساخر كويتي
molok

الله يعييينكم وانشاء الله تترقعون بعد لووووول

قصة خلق حواء؟؟!!

2008-08-10T14:49:00.001-07:00

يا جماعة الموضوع حدا شي ومتأكدين منه بعد

اقرووه وشوفو شنو فايدة الانثى الي مطيحين من قدرها

حياكم على الموضوع

لم خلقت حواء من اّدم وهو نائم ؟؟

حين خلق الله ادم عليه السلام كان هو أول

بشري وُجد ..

كان يسكن الجنة ..

و بالرغم من كل ما هو موجودٌ هناك استوحش ..

فحين نام خلق الله حواء من ضلعه ..!!!

يا تُرى ماالسبب ؟؟!!...

لِم خُلقت حواء من آدم و هو نائم ؟؟ !!!

لِم لم يخلقها الله من آدم و هو مستيقظ ؟؟!!

أتعلمون السبب ؟؟

يُقال إن الرجل حين يتألم يكره،

بعكس المرأة التي حين تتألم تزداد عاطفةً و

حباً !!...

فلو خٌلقت حواء من آدم عليه السلام

وهو مستيقظ لشعر بألم خروجها من ضلعه و

كرهها،

لكنها خُلقت منه وهو نائم ..

حتى لا يشعر بالألم فلا يكرهها ..

بينما المرأة تلد و هي مستيقظة ،

و ترى الموت أمامها ،

لكنها تزداد عاطفة ..

و تحب مولودها ؟؟

بل تفديه بحياتها ...

لنعدْ إلى آدم و حواء ..

خُلقت حواء من ضلعٍ أعوج، من ذاك الضلع

الذي يحمي القلب ..

أتعلمون السبب ؟؟

لأن الله خلقها لتحمي القلب ..

هذه هي مهنة حواء ..

حماية القلوب ..

فخُلقت من المكان الذي ستتعامل معه ..

بينما آدم خُلق من تراب لأنه سيتعامل مع

الأرض ...سيكون مزارعاً و بنّاءً وحدّاداً و

نجاراً ..

لكن المرأة ستتعامل مع العاطفة ..

مع القلب ..

ستكون أما ًحنوناً ..

وأختاً رحيماً ..

و بنتاً عطوفاً ...

و زوجةً وفية ..

خرجنا عن سياق قصتنا ..

لنعدْ ....

الضلع الذي خُلقت منه حواء أعوج !!!!

يُثبت الطب الحديث أنه لولا ذاك الضلع لكانت

أخف ضربة على القلب سببت نزيفاً ،

فخلق الله ذاك الضلع ليحمي القلب ..

ثم جعله أعوجاً ليحمي القلب من الجهة الثانية ..

فلو لم يكن أعوجاً لكانت أهون ضربة

سببت نزيفاً يؤدي – حتماً – إلى الموت ..

لذا ...

على حواء أن تفتخر بأنها خُلقت من ضلعٍ

أعوج ..!!

و على آدم أن لا يُحاول إصلاح ذاك

الاعوجاج ،

لأنه و كما أخبر النبي صلى الله عليه و سلم ،

إن حاول الرجل إصلاح ذاك الاعوجاج

كسرها ..

و يقصد بالاعوجاج هي العاطفة عند المرأة

التي تغلب عاطفةالرجل ...

فيا ادم لا تسخر من عاطفة حواء ...

فهي خُلقت هكذا ..

و هي جميلةٌ هكذا ..

و أنتَ تحتاج إليها هكذا ..

فروعتها في عاطفتها ..

فلا تتلاعب بمشاعرها ..

و يا حواء ، لا تتضايقي إن نعتوكِ

بناقصة عقل ..

فهي عاطفتكِ الرائعة التي تحتاجها الدنيا

كلها ...

فلاتحزني.....

أيتها الغالية ....

فأنتِ تكادِ تكونين المجتمع كله ..

فأنتِ نصف المجتمع الذي يبني النصف الآخر

ججك ججك جك ..والله حجي يسوا ذهب :)

شنو القصة بالضبط؟؟

2008-08-09T05:45:00.000-07:00

قوووووووة اشلوونكم شخباركم..

شالدنيا فيكم؟؟
من زمان مادري عنكم سامحوني على القصور P:

المهم..

خلوني ادش بالموضوع..

الله يسلمكم الاسبوع الي طاف رحنا السينما ويا الاهل وجذي..

الفلم كان باتمان..

طبعا اتوقع اغلبكم راحله وشافة..

الصراحة انا وحدة عجبني الفلم وايد...في ناس شافو انه عادي..وفي ناس نامو نص الفلم لوول..بس انا من ناحيتي حسيته وايد حلو..

والشخصية الي صج معطيه الفلم روح اهيا شخصية الجوكر..هذا ابروحه فلم كان لووووووووووووووووول..

المهم..

والله هالفلم ليلحين قايلين انه نجاحه صاعد لي فوق من امه..

بس المساكين ابطال الفلم..ما تهنو فيه خنت حيلي(اشفيها العيوز ) ..

الجوكر توفى(الله يرحمه)ما مداه خلص الفلم وعقب توفى..ولحد الحين يقولون انه منتحر انه ماخذ جرعات زيادة لحبوب الاكتئاب بشقة مادري وين نسيت والله...

المهم وناس يقولون انه مات اثر جرعة زايدة للمخدات والله اعلم..

والله من ناحيتي اشك بجذي احس السالفة فيها حقد عليه واحد ذابحه..اييكم الحجي بعد جم شهر..

المهم هذا وخلصنه منه..

نيي حق باتمان الفقير المسكين...هم اهوا الثاني ما تهنى بنجاح الفلم..

يقولون معتدين في بيتهم عليه وعلى امه واخته وتنازل..

والثالث خلف الله عليه الشايب الأسمر الي كان مع باتمان يشتغل..هذا بعد مادري شنو صار فيه هم..بالمستشفى وجذي..

فبالمختصر المفيد..هذولي صاكتهم عين أعوووووذ بالله منها..عفية فاكس طيح حظ الاوادم بالقاع..(يعني بكون بحاول اصك العين عين)ادري ما اشوف شر انا لو اقعد اطالع شي 24 ساعة ما يصير فيه شي اسمالله علي عيني باردة.. :)

فباباتي ديرو بالكم يبه..واقرو المعوذات كل يوم علشان ما يصيبكم شي..

تحياتي ..

تعال ننتحر

2008-07-21T04:13:00.000-07:00

هاذي القصة الله يسلمكم واصلتني ايميل..بس مو صج من ام اب عمتها..لا تسئلوني شالعرج لووول..

المهم..

يعني الي يبي يصير فيه ضغط وسكر ومصارين متقطعة من الاعصاب خل يقراها ويفهمها عدل..انا اول شي قعدت اقرا فيها..وابي استوعب شوي شوي..

بس تدرون شنو المشكلة؟؟

اني كنت قاعدة اقراها بنص الليل(الفير يعني) ومواصلة من اول امس..يعني حاله الاستيعاب عندي مغلق او خارج منطقة التغطية حد امه..

فاستوعبت اول جملة ولا ثنتين بعدين شفت لا يبيله مخ هاذي اذا بمشي وياها حبه حبه بتلوع جبدي علشان افهم عدل لووووووووووووول..جيكو عليها بس والله حلوة القصة :)

يقولكم:

كان الرجل قد اوشك أن يلقي بنفسه في الماء لولا ان سمع صوتاً يصيح به قائلاً : أيــهـــا المجنووووون قف مكانك

عندها أيقن صاحبنا أنه لن يتمكن من الانتحار بهدوء فوقف الرجل مرتبكاً وخائفاً ورأى عجوزاً يتقدم منه وينهال عليه
بعبارات اللوم والتأنيب ليأسه من رحمة الله ورغبته في إزهاق روحه والانتحار

بعد أن انتهى العجوز من عبارات اللوم والتأنيب سأل الرجل : ما الذي يدفعك الى الانتحار يا هذا ؟

قال الرجل : مشكلة عائليه معقدة

فرد عليه العجوز : وهل توجد مشكلة دون حل ؟!؟! ما هذه المشكلة ؟

بدأ الرجل يروي قصته فقال

تزوجت سيدة أرمله ولها فتاة مراهقة وعندما بلغت الفتاة سن الرشد رآها أبي فأحبها وتزوجها وصرت صهراً لابي كما أن أبي اصبح في مقام زوج ابنتي وأصبحت أنا ( حماً ) لأبي لأن زوجتي حماته أيضاً

بعد هذا أنجبت زوجتي ولداً لي فاصبح الولد ( سلف ) أبي .. وبما أن ابني هو أخو زوجة ابي التي هي بمثابة خالتي صار ابني يعد خالي أيضا

وواصل الرجل حديثه : وحيث أ زوجة أبي وضعت طفلاً فهو يعد أخي من أبي وفي نفس الوقت هو ( حفيدي) لأنه حفيد زوجتي من ابنتها .. وبما أن زوجتي صارت جدة اخي فهي بالتالي جدتي وأنا حفيدها وهكذا أصبحت أنا زوج جدتي وحفيدها في الوقت ذاته .. ونظراً إلى أنها جدة اخي فانا أصبحت أيضا جدأً لاخي وبناء عليه اكتشفت انني اصبحت جد نفسي او حفيد نفسي لأنني

وهنا قاطعه الرجل العجوز قائلا : كفى ... كفى ... تعال معي

فقال له : إلى أيــــن .........؟؟؟؟

قال العجوز : تعال ننتحر معاً ، لا بارك الله فيك!!

لوووووووووووووووووووووووووووووووووووووووووووووووول يحليله الشايب والله كان طماشة مع انه دوره ما كان بطولة p:

تحياتي..

سيكيارة (ترا مو بدلية بس جامعة كلمتين في بعض)

2008-07-17T14:34:00.000-07:00

وناسة .. جيكت عليها قبل شوي..ما يندرا هذا سيكل ولا سيارة...

بس شي.. يعني على هالمركبة مرونة مو طبيعية..

والصور راح تثبتلكم هالشي..

هالشي طبعا برا الكويت..

بس بالكويت من فترة شايفة في محل السياكل المعروف بالكويت باسم( النجم الثلاثي) الي يم قراجات شرق..في نفس هالنوعية بس مو بنفس المرونه واعتقد عندهم صورة معلقة بالمحل لصاحب المحل واهوا راكب هالمركبة بس وايد ابسط من هاذي..

وما عندي فكرة جم واحد عندياها..غير صاحب المحل طبعا..

شكله كان يونس فيها..جنه كان بعد بدشداشة وغترة وعقال :) بس كبير بالعمر يعني ..

المهم..

بوريكم الصور..

والله يبيله وحدة حدها جوووووو ..

ما اعبر على القروووب :)

سلايت مو صج :)

لا هذا صك على الي قبله

ونااااسة :)

انشالله عجبتكم...(انزين يعني ليش)..تبين تزوغين قلوب الاوادم وبس p:

تحياتي ..

التفتيش.. وما ادراك ما التفتيش

2008-07-16T03:34:00.000-07:00

طاق بمزاجي اسولف اليوم عن شرطة الكويت "الحلويين" الي يوقفون الشارع ويعطلون الاوادم...

علشان عندهم "تفتيش"

تعالو نشوف شنو يصير وقت هالتفتيش هذا...

يمر عليك واحد اهوا وعياله يطوووف ويأشر بإيده(لحظة شغله برا الموضوع..ابي ليش الغباء الزايد يحوش الشرطة لما يصير حادث يوقفون بحارة ويأشرون انه كملو سيدة بإيدهم..انزين شنو يعني احنا مو قاعدين انشوف انه في دورية واقفة وبندش فيها مثلا اكيد بنكمل سيدة ونوخر عنها..ولا مثلا ماكو شغل والله قاعدين نمشي بالسيارة ويكون خالص الحادث وشايلين كل شي والناس قاعدة تمشي يعني مو انه واقفين يتليقفون كالعادة ويأشر انه يالله امشو..واحلى شي لما يندمج بالحركة واهوا قاعد يكلم واحد ثاني يمه واهوا يأشر يعني ترا انا الي امشي السير لووووووووووووووووووووول والله فلم)

نرد بمحور بطيخنا..ويطوف هذا بو عيال..

نيي الحين حق بنات اذا اعجبو يوقفهم والاجازة والدفتر بس علشان يطق حنك وياهم..وعاد لا يقعد يتفلسف لما وحدة تسأله سؤال عن التفتيش..يسوي نفسه جونجر ويعيش الجو..القوطي ما يدري انها قاعدة تستعبط على افاه..!!

واذا واحد ويا وحدة..لا تشوفه اشلون يخوزر بالبنت الي ويا الريال..يعني يكون بيجكها اذا خايفة يعني ما تصيرله عاد يبدي يتفلسف ويضرط يعني ترا اوديكم ورا الشمس (يمعود انت ونظراتك) واذا لاء شاف الوضع مستقر ينطم بس يظل يخز مادري يعني ليش ينطر الوحي ينزل ولا شي استغفرالله..

و وا ويلاااه اذا مرو شباب لا تشوف شيسوي فيهم..ترا ماكو شي طاعين يهيصون ويردون يطالع السيارة من فوق لي تحت يبي يجك اي شي فيها..تغييم..وهالسوالف عاد اذا ما لقا شي يقوله اصفط يمين وبطل الدبة..يعني بشوف خاش سلاح ولا شي..يعني ليش الغباء..اغلب الي قاعد يصير السلاح قاعد ينخش تحت الكشنات وبينهم بالله بالدبة منو قام يحط الحين..!!

والمشكلة انه بس الشباب يسوي فيهم جذي اما البنات يطوف..انزين انا وحدة بالسيارة لازم سجينه وصاعق تحت الكشن ومن هالسواليف..وما وقفتني على بو بنية..شالتفتيش بالله!! بالله رحت ذبحتلي واحد p: اهوا يعني الشغلات هاذي علشان دفاع عن نفس تدرون بعد بنت ما بيي اطق بايدي لوول

فما تشوفون شر يالشرطة (ما بقا واحد ما قلت حقه ما تشوف شر)

وخلف الله على عيال السبورت لما يمرون على التفتيش..يعني يكون ماله خلق نفسه وبيرد بيتهم وهذا واقفله بالمرصاد يا على الستيكر ولا على صوت القزوز ولا على التغييم ولا على الزوايد الي عالسيارة..يشقه شق ويلعن خيرة مخالفات واخر شي الصبي يشوفله واسطة ويسحب المخالفه من امها لووول..مادري ليش يعابل من الاول ويخالف..ولازم الاثنين يتلاسنون وواحد يوعد بالثاني واخر شي الشرطي الي ويها ينقص وتنسحب المخالفة يعني تنسحب..عيال سبورت لا تقرب يمهم يبا :) (اشفيييها )

يعني بالعربي الفصيح..ابي ليش مسمين التفتيش تفتيش!!

هذا المفروض يسمونه "مصخرة"

(الحجي الي كتبته يخص البعض مو الكل علشان لا نظلم)

وتحياتي..

سباق من نوع ثاني

2008-07-15T15:55:00.001-07:00

يعني الناس تتطور برا بسواليف السباقات ..

بلشو سباق الركض..

عقبها القواري..

عقبها سباق سياكل..

عقبها تخصصي سباق سيايير(قومات)..

وفي بعد ناس مبلشين سباق طيايير نفاثة..

ويمكن يوصلون لي سباق صواريخ..

واحنا مني..

تعال شوف بشنو اليهال قاعدين يتسابقون فيه....

...

!!!!!

انزين ليش يعني..

عاد درام زباله!!

فشلتونا والله

هالصورة مأخوذة من صوب منطقة الظهر..

ونعم التطور باللعب..

واهم شي انهم مضبطين الوضع وحاطين الدرامات بمكان منحدر علشان يقدرون"يتسابقون" فيها @@

والمشكلة انه الي معلمهم "هاللعبة" شخص فوق ال 18 سنه..!!

اللــه بالخيــــر يا تطور...!!!

ويقولون ليش العالم العربي متخلف !!!! <<<< (هالتعليق يخص البعض ومو الكل)

تحياتي..

قصة عجيبة

2008-07-15T04:00:00.000-07:00

بقولكم عن قصة وصلتني ايميل..نهايتها من نوصلها..راح نحس انه هالقصة معناها وايد حلو..

ونهايتها..راح نستوعب منها معنه جمله احنا دوم انقولها..

او بالاصح..

كل الي (يحبون بجنون) ..راح يستوعبون :)

في قديم الزمان حيث لم يكن على الأرض بشر بعد..
كانت الفضائل والرذائل تطوف العالم معاً وتشعر بالملل الشديد..
ذات يوم
وكحل لمشكلة الملل المستعصية..
اقترح الإبداع لعبه
واسماها
"الغميضة"

أحب الجميع الفكره
وصرخ الجنون
أريد أن أبدأ
أنا من سيغمض عينيه ويبدأ العدّ وأنتم عليكم مباشرة الاختفاء
ثم اتكأ على شجرة وبدأ
واحد .. اثنين .. ثلاثه ..

وبدأت الفضائل والرذائل بالاختباء
وجدت الرقة مكاناً لنفسها
فوق القمر
وأخفت الخيانة نفسها
في كومة زباله
ذهب الولع بين الغيوم
ومضى الشوق إلى باطن الأرض

أما الكذب فقال بصوت عالي :
سأخفي نفسي تحت الحجارة
ثم توجه لقعر البحيرة
واستمر الجنون : تسعه وسبعون .. ثمانون ..
خلال ذلك أتمت كل الفضائل والرذائل تخفيها

ما عدا الحب
كعادته
لم يكن صاحب قرار
وبالتالي لم يقرر أين يختفي
وهذا غير مفاجئ لأحد
فنحن نعلم كم هو صعب اخفاء الحب
تابع الجنون في تعداده إلى مئة
قفز الحب وسط واختفى بداخلها
أجمة من الورود

فتح الجنون عينيه
وبدأ بالبحث صائحاً :
أنا آتٍ إليكم
كان الكسل أول من أُكتشف لأنه لم يبذل أي جهد في إخفاء نفسه
ثم ظهرت الرقة المختفية في القمر
وبعدها خرج الكذب من قاع البحيرة مقطوع النفس
وأشار إلى الشوق أن يرجع إلى سطح الأرض
وجدهم الجنون جميعاً ..
واحداً بعد الآخر .. ..
ما عدا الحب

كاد يصاب بالاحباط واليأس في بحثه عن الحب
فاقترب منه الحسد وهمس في أذنه :
الحب مختفي في شجيرة الورد
التقط الجنون شوكة خشبية أشبه بالرمح
وبدأ في طعن شجيرة الورد بشكل طائش
ولم يتوقف إلا عندما سمع صوت بكاء يمزق القلوب

ظهر الحب وهو يحجب عينيه بيديه
والدم يقطر من بين أصابعه
صاح الجنون نادماً :
يا الهي .. ماذا فعلت؟؟!!!!
ماذا أفعل كي أُصلح غلطتي بعد أن أفقدتك البصر ؟؟؟؟؟
أجابه الحب :
لن تستطيع إعادة النظر لي ..

لكن لا زال هناك ما تستطيع فعله من أجلي .. ..

كن دليلي
وهذا ما حصل من يومها .. ..
يمضي الحب أعمى يقوده الجنون
لذلك يُقال دائماً :

أحبك بجنون

تحياتي ..

للي يحب المواستنغ

2008-07-13T02:01:00.000-07:00

هالسيارة من حطوها بالنت وانا ميتة ابي اسوقها..

خلو شكلها (الفخم) بصوب..كافي انها موستنغ..موديلها 2008..

المشكلة الي تضيق الخلق وتونس بنفس الوقت..

انها ما راح تنزل بالشارع..

يعني الي واصلني من طراطيش حجي..انها فقط للعرض..

تضيق الخلق من ناحيه انه كان بخاطري اخذها(ما تشوفين شر اخاف بس p: )

وتونس من ناحية اني ما راح احاتي انه العقد يخربون سمعتها مثل ما لعبو بسمعه كل موديلات الموستنغ..

والله صج..يعني قول حق احد فلان يحب شي اسمه موستنغ..يقولك شالعقيدي!!!

شنو الي شالعقيدي..تدرون ليش يقول جذي..

لانه العقد لاعبين فيها لعب ومسوينها اداة للتقحص في اغلب الاحيان..

وفوق هذا يقولون عن المواستنغ انهم جحوش!! @@

اسمحولي ترا ما سموها جذي الا لانه العقد سياقتهم مثل ويهم بس حق التفشل و(الهياط) هالكلمة تلوق لهم..

بس ترا الموستنغ مو جحش..

واتحدى اي واحد يقول عنه جحش..

يمكن لما يكون ستوك اوكي...بس للي يعرف يلغم..يرفعك ويطوفك فيه ويقولك الله بالخير ابوي..(وحششش)

وما تشوفون شر انشالله :)

خلصنا من التعليق على المواستنغ..وندش على صور الموستنغ نفسا 2008 الي ماخذ عقلي....

اهم شي انه البانوراما (السقف جام) لي الدبه ..هذا لو يظل صافط بمناطق مثل سلوى وبيان..

اليوم الثاني..اليوم الثاني شنو..بعد 5 دقايق تلاقيهم حاذفينه بصخر و متكسر لووول

فديت الشعار والله :)

ورب الكعبة جو مو طبيعي

اهم شي انها قير عادي..تونس شكلها طيارة من داخل :)

الكشنات شي..جلد حصان على قولتهم

انشالله تكون عجبتكم..شي اكيييد :)

تحياتي..

للي يحب السيارات السبورت...

2008-07-07T04:26:00.000-07:00

قبل جم يوم قاعدة اسولف ويا عيال خالي ولا يقولونلي انه الجي تي ار سكاي لاين نزل بالكويت...ويمدحون شكله ووقته قاعدة اسأل عن مواصفاته وجذي ولا يقولون انه نازل بالوكالة ب 23 الف الي بو 400 وشي حصان ولونه احمر..

وعقبها استفسرت وجذي ولا في بعد هم حمرة منزلينها غير هاذي ب 27 الف الي بو 500 وشي حصان..

مادري اشسالفتهم ويا الاحمر عيال الكويت..شكلي عاديتهم لوووول..شكو الحين..

المهم عاد طلع انه الي مو عاجبه هالسعر ويفكر ياخذها من مكتب خل يغسل ايده احسن..

لانه هالسيارة يايبينها من اليابان..وسكانها يمين..يعني اذا بتطلب طلبية مو من وكاله بتعابل عباله مو طبيعية علشان تحولها مواصفات الخليج وجذي ..ف بابا خلكم على الوكاله احسن واذا ما تقدر عليها..خلها لأهلها مو الا تتشيحط p:

بس والله شفت صورها خوووووش شي يبيله وحدة..مو للتشيحط لا للدوووس والبتاوين..

خل احطلكم صورها علشان تزوغ قلوبكم عليها شوي ..

تحياتي..

يا ناس تطورو

2008-07-04T13:20:00.000-07:00

في سؤال او استفسار بمعنى اصح دايما يدور براسي..

يعني الاوادم طورو كل شي بهالدنيا...

كل شي بمعنى الكلمة..

ولما اقول كل شي يعني قصدي حتى بالكلمات صارو يطورون..

انزين كملو جميلكم وطورو من هالسالفة الي بقول عنها.....

لازم لما يدق احد..او تشوف ادمي (ترى احد نفس ادمي بس بغير علشان لا تملون من نفس الكلمة ) <<<تكفا ابي اسخف :)/>

اشلونك ..شخبارك..عساك بخير..الله بالخير(لا هاذي حطيته بس جذي عجبتني ليش مشت ويا القافية لووول)..شالدنيا فيك..انشالله زين(والله ان احد ملق وقال لا وطنية بطيت بطيخة على راسه :) )..المهم

وكل الاجابات طبعا نفس الطقة تقريبا..الا اذا بيملق شي ثاني خو..المهم..ولا يبدي يسئلك اشلون اهلك واحد واحد بالاسم..

اشلون فلان..وعلان شخباره...وكلان وملان وعيدان وجمعان...لوووووووول شكو هالاسامي الحين..شفتها بعد عالقافية p:

وهم الجواب نفسه بخير..الحمدالله..بخير ..الحمدالله..بخير ..الحمدالله..وما نخلص..

انزين يا اخي طورو من هالأسئلة والأجوبة الي مالها داعي..يا اتطورونها شغل عدل..يا اتشيلونها من عرجها ..وفوق هذا تلاقي الي انت داق عليه تسلم عليه يقول بقلبة يالله متى يخلص من السلامات ويقولي اشفيه داق ..عادي ترا مافيها زعل ولا شي..

دق قول اشعندك دايركت بدون لف ودوران وتوم وجيري بالطريج..

وسلامتكم بس انتو اشرايكم بالموضوع كلامي عدل ولا مو عدل يا جماعة..؟!؟

وتحياتي..

حتى المينن عندهم هوايات P:

2008-07-03T05:39:00.000-07:00

بسولف عن شوية من هواياتي اليوم..

كل واحد بالدنيا عنده هوايات يلهي نفسه فيها..

الادمي الطبيعي عنده 2 ولا 3 ولا 4 ولا بالكثير 5 هوايات

ووحدة فيهم الي يمارسها دوم..

هذا بالنسبة للادمي الطبيعي..

بس الادمي الي مثل حالتي.. لما بيقول هواياته شنو.. لازم الاواديم الي حوالينه يحطون اصابع ايدهم وريلهم علشان يعدون معاه.. لووول حشا شالفراغ الي عندج انتي :)

طبعا الحين ما راح اكتبهم كلهم مرة وحدة لاء.. ما راح نخلص جذي.. راح اكتب 2 منهم بس وللحديث بقية على قولتهم..

المهم

انبلش بأول هواية..

السياااارااااات ..طبعا الي قاري سوالفي بالمدونة ..اتوقع عارف هالشي..

الي اقصده بالسيارات يعني غرامي سوالف الدوس والبتاويين(على قوله بعض ناس اعرفهم من قطو هالبدلية وانا ماسكتها عليهم وارددها وايد..ما يقولون تبتون..يقولون بتتون p: ) ..

اللغام من مجاميعه..تبوني اصفلكم اللغمات الي اعرفها ماكو مشاكل..

قير عادي هم نسوق ماكو مشاكل..

نلكش هم ماكو مشاكل..

مادري اشخليت حق الصبيان..لوووول

خو هواية بعد شسوي انا..

بس ترا صج..لما الواحد يدوس ولا يبتون وايد ومنتبه على الشارع..هاذي طريقه تخلي الواحد ما يفكر بشي وخصوصا لما تكون المشاكل الي عنده ترس الدنيا بالي فيها..

المهم..

الهوايه الثانية الي اهيا العزف

غراااااااامي شي اسمه موسيقى..آلات موسيقية..

جيتارات..بيانو..فلوت..كمان وهالسواليف

احساس مو طبيعي يحوشني لما اقعد اعزف جيتار ولا بيانو..تنسى هموم الدنيا وتعطيها طاف والله صج..يعني من انواع المسكنات عند الادمي الموسيقى..وخصوصا لما تقعد تعزف وتكون هوايه من هواياتك...

وبسمعكم شي من عزفي على البيانو..

بس حدي متوهقة مو عارفة انزل التسجيل عاد نطرو انتو بنزل الموضوع بدون تسجيل وبعدين بالتحديث بنزله :)

تحياتي ..

حتى البدليات قمنا انصنفها

2008-07-01T02:58:00.000-07:00

بسولف اليوم عن البدليات...

الي ما يفهم بالقير العادي خل يعدي اول فقرة..

كلمة بدلية يايه من بدل يعني روووح اول ثاني..الي بعدو ثاني ثالث..وهكذا..بس تبديلة عن تبديلة تفرق..يعني الي يبدل واهوا سياقته عادية مو قاعد يدوس..غير عن الي يبدل واهوا دايس تبديل سريع...غير عن الي يبدل واهوا يلكش..ووحدة عن وحدة تفرق..يعني مو كل واحد يلكش ينقال عنه لكيش..لكش عن لكش يفرق..ومو كل واحد ساق قير عادي قالو عنه يعرف يسوق عادي..لانه تبديل عن تبديل يفرق..الحوسة هاذي كلها علشان اقول شي واحد بس..

بدلية عن بدلية تفرق!! اشلون يعني..

انا اقولكم..

المقصد انه للبدلية انواع(دشينه حصة قواعد..شخباااريي) :

النوع الأول..الي اهوا تبديل كلمة بأحرف الكلمة الثانية الي معاها بالجملة بس على نفس وزنها اهيا ..فاتصير الجملة فلم نكتة :)

مثال..ايام الثنوية..كنت بروح اييب حق البنات سفن آب..يوم ييت بعطيهم..كان في وحدة منهم اسمها جميلة..ياية ابي اقولها (جميلة تبين سفن)..جان اقول( سفينة تبين جمل)!!!! لوووول من امه..يعني الصدف بعد تلعب دور الي البدليات انقطت بكلام صح نظريا بس بجملة موقعها من الفهم غلط عمليا(انقلبت حصة علوم) حشا الي يشوف التعليقات ملوت الحصص يقول هاذي ليلحينها بالثنوية لوول :)

النوع الثاني..الي اهوا كله على بعضه غلط من ام ابوه هالمرة..يعني لا معنى عملي ولا نظري اصلا ما نسمي هالبدليات كلمة..

مثال..

يعني توا بالمسنجر يايه اقول بضغط جان اقول بغضط..طبعا بالمسنجر البدليات اشكال والوان حرف زايد وحرف ناقص على حسب الحاله..شابك وانت يوعان..نقصت حروف من الكلمة.شابك وانت بتنام ودايخ زادت حروف على الكلمة..

شابك وانت مخك بزليون شي بتطلع كلمه مثل جذي(بالتقصيل الململ)لوووووووووووووووول يعني (بالتفصيل الممل)هاذي امس هم انقطت بالمسنجر مو انا طبعا ..بدلياتي وايد احسن من جذي p:

وآخر نوع..الي اهوا افشل نووووع..واااي يالفشلة الله لا يحط احد بهالمواقف..يعني قصة وي ولا يطلع هالنوع من البدليات جدام احد رزة ولا كبير بالعمر ولا جدام عموم من الناس وبمايك على خشبة مسرح لووووووووووووووووووووووووول..ماني قايله مثال لانه شوي قوية..

بس هالنوع الله يسلمكم لما تبدل كلمتك الي بتقولها بكلمه معناها وصخ ولا سبه بالعربي الفصيح يعني..هاذي وايد تصير ديرو بالكم منها يمعود..

حطيت هالموضوع..لانه نوعي هم وايد اقط بدليات..وخصوصا بعد لو اني قايله هالموضوع بلساني مو كتابة جان ما فهمتو شي بعد ثلاث ارباعة بيكون بدليات ..اشدعوة عليج..بس ماني قايله ليش خلي الطابق مستور على قولتهم :)

تحياتي..

الارصاد العبيطة

2008-06-27T14:41:00.000-07:00

يقولكم انه هالايام في رياح شماليه شربية (يعني بالعربي شرقية غربيه اشلون مادري عاد انتو رقعوها)

والطقس معتدل مايل للانغبار والخيسة الا حد ما (الانغبار:والله بدون تعليق)

مقدمة غبية شوي علشان ادش بموضوع يعني ماله معنا من الاساس

الا وهو...الادمي ولا الادمية الي يحطونهم في نشرة الاخبار مالت الطقس شنو لزمتها؟؟(هل اهيا اي شي ولاشنو نظامها)ويييع املق مو قصدي لزمة يعني جذي..بس حبيت احط الملاقة الي امساعة علشان ادري في بعض الاواديم الي نفس طقة مخي بيعلقون على اي كلمة وبيقلبونها حق معنى ثاني..تدرون بعد ماكو شغل صيف والناس فاضية وبطالية..بس بالكويت نص الاوادم طول السنة بطاليه..جني دشيت بموضوع ثاني ماله شغل بالسالفة..وايد شقحت عن الي اقصده..المهم

اذا نفترض انها وحدة..شنو موقعها من الاعراب هاذي الادمية الي يحطونها بالنشرة الجوية حق شنو؟؟ هل اهيا فاعل طمبورطيني ولا ضمير مستتر تقديره معاش نازل بالغلط!!!

لا لا صج يعني كل شي يقولونه مكتوب وراهم!! حق ليش الوقفة الي ما لها داعي؟!

اوووووووووووف لاعت جبدي ابي اكتب الموضوع مثل الاوادم مو قادرة كل شوي داشين علي الدار يقرقون فوق راسي مو قادرة اركز يمعود انشالله المرة اليايه انزل موضوع مايكون مخي مطشر فيه...

تحياتي....

معنى جملة

2008-06-24T08:05:00.000-07:00

في شي انا مستغربة منه...ساعات احنا نقول جمل أو كلمات مالها معنه أو معناها ماله شغل بالسالفة..والمشكلة انه نقولها ولا نفكر فيها بس على بو انه تنقال وخلاص...واكثر جملة فكرت فيها وحسيت انها غلط اهيا كلمة (بعد) لما تنقال بجملة مثل:

يا بعد عمري

يا بعد قلبـي

يا بعد روحي

يا بعد خمشي

اخر وحدة شيلوها بس بقاموسي تنقال(اي ادري ما اشوف شر لووول )

المهم..فهمتو شنو اقصد ولا؟؟

الحين افهمكم.!

لما فكرت فيها..طلعت الجمل هاذي مسبة مو شي حلو او مجاملة..!!! تدرون ليش؟؟

لانه لما احد يقول يا بعد عمري جنه قاعد يقول انت تصير بعد عمري يعني عمري اهم منك!!بعد قلبي يعني انت تيي عقب قلبي يعني قلبي اهم منك!!بعد خشمي يعني خشمي اهم منك!!!(والليييه محد شاف تكفون طوفوها هالمرة عشاني شنسوي بعد اسلوبنا قوطي ماكو فايدة :)

المهم ففكرت وقلت اشلون نعدل الجملة هاذي شنو ممكن نقول علشان نضبطها ويصير معناها صح؟؟

نبدل كلمه ( بعد ) في كلمة ( قبل ) (حشا داشين مستشفى جراحى تجميلية) ف اتصير الجمل:

يا قبل عمري

يا قبل روحي

يا قبل قلبي

يا قبل (خشمي)

علشان تصير انت قبلهم يعني اهم منهم كلهم حتى من خشمهم لووول..اشفيكم ترا الخشم مهم لا تطيحون من هيبته وايد :)

المهم ..يعني لازم اندز كتاب حق راشد الماجد علشان يضبط اغنيته على هالحجي وبدال لا يقول يا بعدهم كلهم.. يقول يا قبلهم كلهم ;)

اي مو ماكو شغل فاضيلنا الريال لوووول

المهم عدلو قواميسكم يا جماعة ولما احد يقولكم يا بعد قلبي قوله ما تشوف شر شمسويلك انا لهالدرجة ما اسوا وطب فيه عاد خصوصا لما تكون منبطه جبدك منه من اي شي اهوا مسوي طلع حرتك بهالشي لووووول ..اي والله ماكو شغل:)

تحياتي :)

تصريح

2008-06-24T07:47:00.000-07:00

يا جماعة في تصريح ابي انزله بالبلوقر تبعي(اهم شي تبعي) :)

اذا( ما )كتبت بنهاية الموضوع( تحياتي)..معناته الموضوع منقول بدون ما اقول....

وشكرا لحسن الاستماع..قصدي القراءة :)

لا تلعب بالنار :)

2008-06-24T05:11:00.000-07:00

في موقف صارلي بيوم قبل سنتين من الحين..وبقوله مو عن شي بس عشان اوصل معلومه قوية

حوبة المظلوم من امها مو شوية.. وحوبة الأم بدون حجي شقاقية ..بس حوبة العلوية كلللللللش مو شي عشرتعش

بوحدة!!!يعني السالفة مو غشمرة صجية!

السالفة وما فيها يا محفوظين السلامه(حشا عمري 90 سنه وانا اسولف) المهم جنها بدلية الجملة بس طوفو انتو

عاد :)

المهم..في يوم كالعادة طالعة ادوس بالسيارة..اقصد أسوق أسوق(فضحنا روحنا) ما علينا المهم..شوي ولا كان في

صوب تقاطع الاشارة شرطة واقفين طبعا ما يقدرون يوقفون احد لانه العادة لما يصير في موكب ياي يوقفون عند كل

تقاطع على البحر وجذي فلازم يوقفون مكانهم لو شنو يصير..الي صار معاي اني معديه تقاطع الاشارة شييييييييييييط

يمكن 180..وسكب

ورحت خلصت شغلي من السوق وخذيتلي الي ابيه وكنت بروح صوب بيت خالتي بالمنصورية

فرديت نفس الشارع الي امساعة بالمقلوب..بالعربي فوق تحت صار..المهم شوي ولا اشوف دورية طالعة من واجهة

ومشغلة الفلشرات وطوط طوط التيما صفطي يمين...رحنا فيها ووقتها مو مال مخالفات اخذ كلش لانه قبلها كنت مزفوفة

على كثر مخالفاتي الي صايرة..تدرون بعد من كثر ما نحب الشرطة نخالف وايد...ويييع...الي صار اني وقفت ما بغيت

انحاش لانه يمدي ياخذ رقم سيارتي

بس تدرون اني من الخرعة نسيت اني وقتها انا ما كنت دايسة يعني كنت شايفة الدورية فمخففة من اول شي..بس من

الخرعة نسيت..ولما نزل

جان يقولي الاجازة والدفتر(اسطوانه كل شرطي..يمعود خل ينزلون شريط يديد لاعت جبدنا من هذا)

المهم...الحلوة الي بالسيارة توها كانت مطلعة الليسن من المرور لانه كانو ساحبينه خلف الله علي..فشنو سويت عطيته

الدفتر وقلتله الاجازة مسحوبة..علشان يعني لا يسحبها مرة ثانية..عاد لازم يتفلسف وشغل وين المخالفة مالت السحب..

والله ضاعت شسوي الحين قالي خلاص اخالفج بعد على انه الاجازة مو عندج!!! انتو لاحظو انه صارلي ساعة قاعدين

نتناقش على الاجازة والدفتر وكل شي وانا مو مخالفة..شوي ولا لاسيلكي بو الشباب يهذر وايد فبطله وقال اي

صدتها!!!!!!!!!

جان استوعب انا مني قلتله تعال صج انا شمسويه الي بتخالفني ؟؟ من شفتك لا دست ولا بتونت!!صج هبلة خو سكتي

يعني اشكرا لو مو موجود جان لاعنة خير الشارع..طوفها جان يقولي امساعة كنتي الصوب الثاني ودايسة وكانت في

دورية شايفتج وعطاني المواصفات علشان اذا مريتي مرة ثانية..قلتله شكو دام اهوا ما لحقني وخالفني خلاص راحت

عليه شالنحييس هذا من وين طلعلي وقاعدة اقوله عفية والله مالي خلق تنسحب الاجازة مرة ثانية ومن هالحجي..وهم

طحت بلساني..يعني الاجازة عندج مو مسحوبة...والله توني مطلعتها ما مداني استانس فيها..بطاقة بنك حشا...

المهم مني ومناك ما رضا قال لازم اخالفج الحين كتب المخالفة وقالي ما راح اسحب البطاقة بس راح اخالف وانا حدي

متنرفزة قالي شنو اقوالج جان اكتب الدنيا وصخة!!!لما قرا جني عطيته كف على هالحجي لووووووووول..

المهم قبل لا امشي جان اقوله قول حق صاحب الدورية اذا اليوم رديت ودوريتك صاحية ما فيها شي اعطيك الي

تبي..قالي ليش..قلتله علشان حوبتي مو شي تحوش احد...

وعدت ومشيت وبالعصر لما كنت برد البيت ولا الدورية الي خالفتني طقلي فلشر صدفته ووقفني مرة ثانية وقالي

عطيني المخالفة وشقها والمخالفة الي عنده شقها وقال تكفا لا يكون شايله علي ولا شي

لوووووووووووووووووووول!!!! اشفيه هذا قلتله ليش شنو اشفيك..

تتوقعون شنو صار؟؟؟

مسكين صاحبنا الي كان بدوريته بالتقاطع ما تهنى فيها اول ما خلص الموكب سوا حادث بالدورية

لوووووووووووووووووووول.....مسكين محد قاله يتفلسف وايد :)

مسكين هذا اخترع عباله بيصير فيه شي الي شق المخالفة جدامي والله طلعت شي انا لووول

وسامحونا على الطواله وعلى البدليات اذا لقيتو لانه ما راح اجيك على الموضوع

تحياتي :)

موقف مو صج :)

2008-06-24T01:44:00.000-07:00

كل واحد فينا لازم تصير معاه مواقف مو شي بمكان معين

خل اقولكم شصار بأمي لما كنا بنروح الجمعية:

اول شي لحظة...لوووووووووووووووووووووووووووووووووول

لووووووووووووووووووووووووووووووووووووووووووول

يالله اوكي الحين اقولكم السالفة (سوري بس من اتذكر السالفة ما اقدر لازم ابطها بالاول حمدو ربكم بقولها لكم كتابة مو لايف جان ما خلصنا كل شوي ضاحكة ونص الحجي مو مبين)

المهم

يقولك في يوم من الايام

رحنا الجمعية انا والوالدة..نزلت بتشتري كيك وكرت تلفون ومن هالسواليف(مو بدلية ترا)

راحت وردت..وقاعدة تقولي امبييي ما ادري اشفيهم الي بالجمعية..ليش اشفيهم ماما ؟؟ (لحد يعلق على ماما بعد شسوي ما ترضا اقولها يمه)ما علينه

المهم..جان تقولي مادري اشفيهم الرياييل الي بالجمعية..اروح صوب الكروت يطالعني يتنح بويهي تقول انا عبالي من جمالي شي :)

وتقول حتى الكاشير وحتى الهندي الي يحط الاقراض بالجياسة متنحين!!ما يستحون شنو هذا اشكرا ؟؟ وانا قاعدة اسوق مو قاعدة اطالعها وقاعدة اقولها كفوج وقاعدة اضحك المهم من صفطنا المكان الثاني ولا اقولها يالله نزلي خلصي شغلج.........الصدمة مو اهني الصدمة لما لفيت ويهي وطالعتها

لووووووووووووووووووووووووووووووووووووووووووووووووووووووووووووووووول

ولا الاخت نظاراتها الشمسية وحدة من العدسات طايحة والمشكلة انها محددة النظارة يعني شكلها بعدسة وحدة فلمممممم من ام ابوه ..بس كان ناقصها كاسكو فوق جتفها والعصابة انوجدت بالغلط الا وهي النظارة :))) فدييييتها الكابتن والله :) الله يخليها لي انشالله.....

وتحياتي :)

بس في الكويت

2008-06-23T10:36:00.000-07:00

بـــس في الكويت... في بدون
بـــس في الكويت... يطلعون لستات باسامي خلق الله لانه ماكو شغل
بـــس في الكويت... الهنود والمصاروة اكثر من الشعب
بـــس في الكويت... لازم مدرس خصوصي
بـــس في الكويت... الشوارع زحمه ليل نهار
بـــس في الكويت... اللي ما عنده شاليه يصير هيليقي
بـــس في الكويت... اذا صار حادث على سايد اللي رايح ..السايد اللي راد يوقف يطمش
بـــس في الكويت... اللي ما تحط ميك اب معقده او ليز
بـــس في الكويت... اليهال الصبيان لازم سبايكي والبنوتات قلوس وماسكارا
بـــس في الكويت... مذيعه غريبه تخترع لكنه غريبه والبنات يقلدونها
بـــس في الكويت... المواقف فُل والمجمع زحمه والمحلات تصفر هدوووء ماكو احد
بـــس في الكويت... ينادون الواحد بسم سيارته
بـــس في الكويت...اللي يدش الجيش بشهاده متوسط معاشه اقوى من معاش الجامعي اللي يشتغل في وزارة
بـــس في الكويت...الشباب كلهم يشابهون بعض ونفس قصة الشعر بعد
بـــس في الكويت...التاكسيات والباصات مافيه كويتين
بـــس في الكويت...السيارة الغالية او الكبيرة يطوفونها والقوطي ماله رب يشرشحونه
بـــس في الكويت... لي سافرت ديرة فيها كويتين يقعدون يخزون بعض عشان لي ردوا يقولون بنت فلان سوت
بـــس في الكويت...يقلبون حرف القاف غين والغين قاف
بـــس في الكويت... يسوون استقبال اللي تولد في المستشفى
بـــس في الكويت... نشتري من ستار بكس بخمسة دنانيير ونطلع اناشب راعي البرد على الامية فلس
بـــس في الكويت... ما نذكر المنتخب الا كل سنتين
بـــس في الكويت... مافي استاد نفس الاوادم
بـــس في الكويت... العاصمه ما لها ملامح
بـــس في الكويت... خطوط تلفون اكثر من الناس
بـــس في الكويت... يبوق ايميلات ويقول انا هكرز ..قولها عدل اول
بـــس في الكويت... الناس مو عاجبها شي وكل شوي مطلعين ايميل
بـــس في الكويت... الأراضي فيها الأغلى في العالم وفوق هذا أراضي جلحة
بـــس في الكويت... الخطوط الجوية غالية والناس تسافر عليها مع ان خدمتها تعبانة
بـــس في الكويت... المطار فيه المستقبلين اكثر من المسافرين

ولا انتو اشرايكم :)

ولا سؤال صاحي!!

2008-06-23T09:05:00.000-07:00

تكفا ابي منو هالنحيييييس الي حاط هالأسئلة؟؟!!

موضوع منرفزني..ماكو شغل

2008-06-23T08:26:00.000-07:00

أبي اتناقش معاكم بموضوع مهم جدا جدا جدا وشاغل بالي وايد

وياي؟؟

اوكي نبلش القعدة...اقصد الموضوع :)

دايما في شارع الخليج..تلاقي أنواع متعددة من السيايير السبورتات..انواع واشكال واحجام..ستوك ولا ملغوم..فول لغمة ولا فول وحمص ...ويع بلا ملاقة لا يقبون الاواديم(مو بدلية انا اقولها جذي)

المهم.. شنو مشكلتهم ..على بو شايليين الرابطة؟؟المشكلة ينرفزووووووووون

تدرون ليش؟؟

لانه صج ما فيه رابطة بس في اماكن تقدر تدوس فيها ..يعني هادين صبحان(الكيلويين) والغوص والنبط وخط المطار والسرة وغيرا ويايين يدوسون عالبحر!!شكو

بتقولي كبسات على هالاماكن!!

بقول بالبحر دوريات ترس المكان.بتقولي البحر ما يقدرون يحاصرونك اذا انحشت من الدورية..بقول الشاطر يعرف اشلون ينحاش لو اهوا محطوط بمكان مسكر :)

اوكي انا ادوس على البحر لانه جويي هالاماكن ف اروح ادوس هناك خو بنية خو :)

المهم هذا اول شي والشي الثاني ألا وهو..شنو المغزى انهم يصفطون صوب مصافط الجزيرة..وطبعا الي بابه مسويه فراشة والي باتمان وتعال شوف الفناتك ..حشا داشين معرض سيارات..شنو مضيعين الطريج؟؟ ولا السالفة تفلسف؟!! وترا ما يسوون شي مناك بس ينزلون والبيبان لازم مبطلة ويقعدون حش بالي يروح والي يي صوب الشارع!! صج من ام ابوه ماكو شغل!!

لا واذا اييون البحر ما يدوسون..من يوقف عند اشارة ويشوف سبورت يمه

يقعد ينفخ يعني قوم دوس وياي!!

ماكو فايدة والله

شنو السالفة اي شي والسلام؟؟

ولا نوعك بتاخذ قياسات سيارتك ويا الباجي؟!

هم؟..خلصت الاماكن ياي تستعرض وتدوس على البحر؟؟

واهم شي اهم شي

اييك موتر متروس ملغم من مجاميعو على قوله اخوانه المصاروة..وايي حق واحد مسكيين الي عنده مو بس ستوك لا المكينة شوي وتطق من كثر ما تعبانه يعني وملعون خيرها ويقوله تقايش!!والمشكلة مو مني.المشكلة لما يقوله هالمسكين لا انا موتري مو مال دوس الحين حدا ستوك والمكينة لك عليها فيرد يقوله صاحبنا بو الغمة اي عادي انا بعد ستوك!!!!! يلعن خيرك صوت الهدرز والاقزوز طالع من خشم السيارة وين ستوك؟؟!!!

تكفا ابي واحد بس عنده موتر وحاط عليه سوالف ويعترف لما يدوس ليش ما فيه؟؟ بقولي راح يخافون وما راح يدوسون ويانا خو عادي قوله باخذ قياسات السيارة بس مو اكثر؟..

واخر موضوع عن هالسواليف الي بقولكم عنه..

من تسأل واحد ولا تسولف معاه عن السيايير يصير اهوا جونقر الشارع ولا قرندايزر القومات!!وبطعا ..يلعن ابو البدلية..قصدي وطبعا*لازم مو مطيوف..واذا كلش كلش يقولك فلان طافني لانه اهوا حاط يبلاوي بسيارته مو عشان اهوا يعرف اشلون يدوس!!

ووقت الصجية..تقوله انزين يالله تقوم ويا فلان.يقولك اشق خشمه بعد..ويوم الدوسة الله بالخيييير..والله المكينة خربانة ...والله القير متعور..والله الصينية محترقة(لاني قوطي ما اعرف الكش مثل الاوادم)..كلش كلش والله بيت ييرانه عندهم حاله وفاه!! موت الادمي عشان دوسة!!

اشدعوة عليييييك

سوري طولت عليكم :)

تحياتي

أسئلة ترفع الضغط!!

2008-06-23T07:08:00.000-07:00

أسئله ترفع الضغط
> >
> >
> >
> >
> >
> > مثلا :-
> >
> >
> >
> > انت الحين بغرفتك منسدح بفراشك ومطفي الليت (النور) فجأه يدش عليك
> > اخوك\اختك ويفتح الباب ويقولك بتنام ؟!! (لا برقص - اكيد بنام !!)
> > ---------
> > انت لابس وكاشخ وقاعد تمشي بالبيت متجه للباب .. فجأه يشوفك واحد من اهلك
> > ويصرخ عليك ويقول بصوت عالي :- (هااا بتطلع !! (لا بجرب الباب زين ولا لا
> > الصراحه سؤال خطير !!
> > ----------
> > انت قاعد بغرفتك وماسك الكتاب قاعد تدرس .. يدش عليك واحد من اهلك يقولك
> > (هاا قاعد تدرس !! (لا افرش اسناني !! يعني ماسك الكتاب شسوي اكيد ادرس
> > -----------
> > انت الحين بالكافيه صدفه شفت واحد من الربع او الاهل .. قالك هاا شتسوي هني !!
> > (ابيع بنك) !! لا تعليق
> > --------------------
> > لا وتعالو شوفو قنواتنا العجيبه اهما واسئلتهم !!
> >
> > مثلا بالعيد بيقابلون واحد من الناس شوفو الحوار :-
> >
> > المذيع :- مرحبا عرفنا على أسمك ؟
> >
> > المواطن :- فلان الفلاني . . . . .
> >
> > المذيع :- شنو تقول لأهلك بالعيد ؟ ! ! !
> >
> > المواطن :- أقولهم كل عام وأنتم بخير . .
> >
> > (( لا يقولك : منه المال ومنها العيال))
> >
> > يعني السؤال تحفه والمذيع ومعد البرنامج اتحف على هالسؤال
> > ------------------------
> > والأسخف من هالبديهيات اللي تضيع وقتنا إذا قابلو اليهال (الاطفال) , , ,
> >
> > يقول المذيع للياهل :- أنت تحب ماما وبابا ! ! !
> >
> > (( لا احبك)) سؤال غبي الصراحه !!
> >
> > ----------------
> > برنامج مسابقات على الهوا :-
> >
> > المتصل :- الوو السلام عليكم
> > المذيع :- وعليكم السلام هلا وغلا
> > المتصل:- ممكن اشارك
> > (يعني انت داق علشان تشارك ليش تستأذن !! من زوود الذرابه؟)
> > --------------------
> >
> >
> > يعني اسئله غبيه مثل هالاسئله ماشفت
> >