عيد الام مع i can

مممم هالمرة راح اكتب لكم اغنية انا مألفتها
وانشالله بيغنيها شخص من ذوي الاحتياجات الخاصة في عيد الام
وانشالله تعجبكم
في كلمات ممكن يشيلونها ويبدلونها على اساس تمشي مع اللحن وجذي بس هاذي النسخة الاصلية :)



حبيبتي والله يا ساكنه بالروح

امي يا اغلى الناس يا شافية الجروح


حبيت اقدملج في يومج هدية

منو يظن حبج بقلبي شوية

صحيح اني عاجز وشوي لج عليه

بس يستحيل اني أكون الضحية


اقدر اعبرلج عن حبي واشواقي

واقدر ابينلج كل الي بأعماقي

خليني اكتبلج واسطرلج اوراقي

وارسم خريطة قلبي ومكانج الساقي


اقدر شعاري الي عطاني الدافع

اني ابين للناس انا بعد نافع

ما همني اني ناقص لا ما راح اتراجع

همي ايماني بالله وبقربج اتواضع


آريا الي ترعانا وتلبي ندانا

عسا الله يثبتها بمسلكها ويانا

ما قصرت والله جزاها خلانا

نمحي كلمة محتاج ونعدل مستوانا


طبعا بس علشان شغلة مو عارفينها ابينها..كلمة (اقدر) اهيا الشعار الي اهو i can

و (آريا) اهيا القروب الي مصمم هالشعار حق ذوي الاحتياجات الخاصة

وتحياتي..